أسئلة شائعة عن صيانة نيسان

إجابات أسئلتك عن الحجز والأسعار والضمان وقطع الغيار وخدمات صيانة نيسان في مركز السيد حسن أوتو.

إزاي أحجز ميعاد؟

من صفحة "احجز موعد" في الموقع، أو ابعتلنا على واتساب على 01080941711 وهنحددلك أقرب ميعاد.

مواعيد العمل إيه؟

مفتوحين يومياً من 10 الصبح لحد 10 بالليل، طوال أيام الأسبوع.

لازم أحجز قبلها؟

يُفضّل تحجز علشان متستناش، بس بنستقبل العربيات من غير حجز على حسب الزحمة.

العربية بتقعد عندكم قد إيه؟

على حسب الشغل. الفحص بياخد حوالي 10 دقايق، وبنقولك المدة المتوقعة قبل ما نبدأ.

هعرف التكلفة امتى؟

بعد الفحص وقبل أي شغل. مبنبدأش أي حاجة غير بعد موافقتك على التكلفة.

أقدر أعرف سعر تقريبي قبل ما آجي؟

أيوه، من صفحة "اعرف التكلفة" تختار عربيتك والشغل وتشوف سعر تقريبي على طول.

الأسعار اللي في الموقع نهائية؟

لأ، دي أسعار استرشادية. السعر النهائي بيتحدد بعد فحص العربية.

القطع اللي بتركبوها أصلية؟

بنوفر أصلي نيسان وبديل معتمد، وبنقولك الفرق في السعر والجودة وإنت تختار.

فيه ضمان على الشغل؟

أيوه، فيه ضمان على الشغل والقطع، ومدته بتتحدد حسب نوع الإصلاح والقطعة.

أقدر أشوف القطعة القديمة؟

أكيد، بنوريك أي قطعة اتغيرت علشان تبقى مطمن.

بتشتغلوا على ماركات تانية غير نيسان؟

لأ، إحنا متخصصين في نيسان بس — وده اللي بيخلينا نعرف كل تفصيلة في عربيتك.

المركز فين بالظبط؟

نزلة دائري المريوطية فيصل — أمام الموقف الجديد — داخل أبراج الفور سيزون، الجيزة.

أتابع حالة عربيتي إزاي؟

من صفحة "تابع عربيتك" برقم الحجز، أو اسألنا على واتساب في أي وقت.